Resubelpara, Nov 25, 2022:North Garo Hills Youth Congress, Bristibar salo Mendi Bajar Cooperative Hall-o Executive Meetingko ong•atangaha.
Meetingni miksongara re•baenggipa 2023 bilsini eleksino Congress dolna bilakbate kamrangko ka•angna gital dilgiparangko seokangaha.
Ia North Garo Hills Youth Congress-ni tom•e chanchirimanio Indian Youth Congress (IYC)-ni National General Secretary Nur Sofiqul Waszid mongsonggipa sokgipa ong•e, bakko ra•angaha. Unbaksana gipin sokbagiparanga Mendipathar elakkani Congress candidate Timjim K.Momin, Kharkutta elakkani Congress candidate-na galenggipa Omilo Sangma, Resubelpara elakka-o Congress ticket-na galenggipa Dr Tweel K.Marak aro Resubelpara elakka-o Congress ticket-ko bi•enggipa Silman D.Sangma dongpae bakko ra•angaha ine Meghalaya Pradeah Youth Congress Committee (MPYCC)-ni General Secretary Junebirth C.Marak u•iataha.