Tura, Nov 25, 2022:Chang 6-gipa North East Students’ Organisation (NESO)-ni General Conference-ko November 23-oni 26 tarikona Tripura a•dokni Khummulwng Agartala-o ong•atenga ine koborna u•iataha.
Theme: “Unite Against theOnslougth” ine katta bichongko donne tom•aniko ong•atenga.
Ia Conference-ko Twipra Students’ Federation (TSF) sokachakenga aro ia Conference-o North Eastern a•dokni dol 8 Students Organisation bakko ra•enga, uaranga All Assam Students Union (AASU), Khasi Students Union (KSU), Nagaland Students’ Federation (NSF), All Manipur Students Union (AMSU), All Arunachal Pradesh Students Union (AAPSU), Garo Students Union (GSU), MZP (Mizoram) aro Twipra Students Federation (TSF).
Ia tom•bimonganio GSU-ba mongsonggipa ong•e bakko ra•enga ine GSU-CEC, HQ Tura-ni Assistant General Secretary Salman D.Sangma u•iataha.
Ia tom•bimonganio dingtang dingtang North East India Tribal-rangni namroro silroroanina chanchianggen aro Assam a•dokni sima arirango kajia ong•ani giminba chanchianiko dakanggen ine u•iataha.