Tura, April 8, 2022: West Garo Hills aro South West Garo Hills a•jani Nokmarangna Sukrobar salo WGH a•jani Walbakgre gittimo mikrakatani program-ko ong•atangaha.
Ia program-ko Tura territorial Range-ni Range Forest Officer ong•atangaha. Ia tom•anio Range Forest Officer, Chongkim B Sangma, “Nokmarangna sorkarini Mines and Minerals (Regulation and Development) Act, 1957-ni bidingo aro Amendment of Meghalaya Minor Minerals Concession Rules, 2016-ni bidingo u•iat ma•sie ra•na nanga ine aganangaha.
Amendment-ni brigipa niamo janapani gitade, National Highway rama-oni metre 200 mang ong•gipa biapo ro•ongrangko bikotna man•jawa. Unbaksana song, chiring chibisik, dollong, dam aro ripinggipa biaponi metre 100 mang ong•gipa biapoba maming dakeba ro•ongrangko bikotna man•jawa ine janapani gnang.Uni gimin a•jani pilak Nokmarangan ia dongimin niamko ja•rikna nanga aro a•jatangni gam jinko ripingna kamko ka•angna nanga” ine aganangaha.
Tura Pulis Station-ni Circle Inspector (CI) Bitching N. Marakba ua tom•anio dongpae, Nokmarang an•tangtangni A•kingo ro•ongrangko bikotna raiko on•ahaon sorkarini dongimin niamko ja•rikna nangchongmota. Bang•a Nokmarang an•tangtangni a•ao bading chiwalna bang•gija tangka paisarangna on•ronga, indakgipa kamrangko dontongatna nangchongmota ine agandapangskaha.