Me•chik bi•sako drae til•ekanina mande saksako bilsi 10 pattoko donata  

0

Williamnagar, June 18, 2022:East Garo Hills-ni mande saksa ru•uta bilsirangna bilsi 10 ong•gipa me•chik bi•sako drae til•ekani gimin bilsi 10-na pattoko donataha.

Dos dakgipa Starson K.Sangma-ni kosako chu•onga gita sakkirangko man•ani ja•mano East Garo Hills a•jani District and Sessions Judge aro POCSO-ni Special Judge re•anggipa May 31 tariko Starson Sangma-ko bilsi 10-na pattoko donchina raiko on•aha.

East Garo Hills a•jani SP Burno A.Sangma-ni u•iatani gitade, dos dakgipa Staraon Sangma bilsi 10-ni me•chik bi•sako kragija changni chang til•ek an•chae ro•aha aro ua an•tangni gimin darangnaba parakjachina me•chik bi•sako ka•mikkenate donaha.

Indake ong•genchimoba, Starson Sangma-ko re•anggipa 2017 bilsini November 26 tariko uni ong•gija dakengmitting somoio rim•a man•aha. Indake me•chik bi•saba an•tangna ong•a obostako pulisna parake on•aha. Me•chik bi•sani parake on•ani ja•mano pulisrang Starson Sangma-ko rim•aha ineba u•iataha.

Leave A Reply

Your email address will not be published.