Resubelpara, March 18, 2022: Minggipin a•sel North Garo Hills a•jao donggipa Resu Babukona songni me•chikma saksa segipako doke saknaataha ine koborko man•aha.
Koborna u•iatani gitade, batanggimin salrango segipa chu ringe jik-dedrangko pangnan kajia ka•rongachim, uandakgipa segipani kajiako chakchikna am•jae, Bristibar salo jikgipa ka•onange segipako am•pokchi dokataha aro doknangjae segipani sko brete saknataha.
Dokako man•gipa segipani sko brete bilongbee an•chi tipchanghija jokani gimin, bakan uko Resubelpara PHC-o sanna gita ra•angaha ine u•iataha.
Indake bang•a nokdangrangon segiparang chu ringe jiko deko kajia a•botronga, apsandake jikgipa segipani kajia ka•ako chakna amjae, segipako warachakaha aro doknangjae segipako bilongen saknaataha.