Williamnagar, July 30, 2022: East Garo Hills a•jani nangrimgimin NGO-rang gittamgipa changna MeECL Office-ko Picketing ka•angaha. Indake July 22 tarikoni 29 tarikona Williamnagar songjinmani MeECL Department-ko picketing ka•angaha ine parakataha.
“Chingni dabianirangna sorkari maming aganchakaniko on•kujaengani gimin, chinga changni chang Department-ko picketing ka•aha. Indake chinga chang gittamna Williamnagar songjinmani MeECL Departmentko office picketing ka•angaha, indiba sorkarini aganchakaniko man•sokuja. Sorkari chingni dabianirangko knachakjagenchimode aro sing•anirangna aganchakjagenchimode, chinga mikkangchi apsan daken picketing ka•angkugen” ine GSU Eastern Zone-ni President Saljrang Tengrik R.Marak parakataha.
Iani bidingo NGO-rang July 30 tariko GSU-EZ Office-o chanchirimaniko dakangtaigen ineba u•iataha.
MeECL Department, “Bijolirangko tik ong•e watchina, Power Department-o kam ka•enggipa manderangko kal•steke rojachina, Garo Hills-ni MeECL Department-o kam ka•gipa manderangko chu•onga gita rakkichina, re•anggipa 2020 aro 2021 bilsio Khasi Hills a•jao kamrangko ong•katata gita Garo Hills a•jaoba kamrangko ong•katatna nanga, Garo Hills a•jarango kam ka•enggipa manderangko Khasi Hills a•jaona ra•jajoejoe rona nangja” ine dabianiko dakangaha.
Unbaksana NGO-rang, office picketing ka•ani somoio re•bae dakchakaniko on•gipa pilakkon mittelangaha.