Resubelpara, July 30, 2022: A•dokni Skotong Minister Conrad Sangma, Bristibar salo North Garo Hills a•jani skotong songjinma Resubelpara-o FOCUS-ko dal•dapatani a•ba FOCUS+ ko oprake on•angaha.
FOCUS-ni ning•o, game ge•e cha•gipa manderang ba “Producer Group”-o donggipa membor sakprak tangka gong hajar 5-ko on•ronga. Indake FOCUS+ ni ning•o “Producer Group”-ni membor sakprakna tangka gong hajar 5-ko uamangni bank account ona chipatgen ine parakangaha.
“FOCUS+ ni dakchakanichi bang•a game ge•e cha•enggipa manderangna namgni ong•gen. Iako dake ra•rikanichi bang•a manderangni janggi tanganirang dingtanggen. FOCUS-ara game ge•e cha•giparangna dakchakanirangko on•na indiba FOCUS+ uamangni nokdangni manderangna dakchakaniko on•angskagen” ine Conrad Sangma aganangaha.