NGO-rang A•king Nokmarangni Company baksa soi ka•grikgipa agreement-ko nipiltaichina dabia

0

Williamnagar, Oct 11, 2022:  East Garo Hills a•jani Nengkra Nokma aro Maharashtra Company baksa soi ka•grikgimin Agreement-ko jegale gital Agreement-ko dake nipiltaichina songni manderang aro NGO dilgiparang mol•molangaha.

Nengkra jolni nangrimgimin NGO-rang jekai GSMC, FKJGP, AHAM, ANJAC aro songni dilgiparang iani bidingo tom•e chanchirimaniko dakangaha.

NGO-rangni japatani gitade, Bangladesh a•songona dal•begipa Grid Power-ko Supply ka•na miksonge Nengkra songo Grid Power Station-ko donna Maharashtra-ni ge•sa Company-ni Officer-rang baksa Nokmarangni Agreement ka•anio dal•drobaengipa Garo Hills-ni chadamberangna aro Nengkra songni manderangna maming janggi tangani cholko ba Job Reservation-rangko Agreement-o man•chapjaha. Uni gimin NGO dilgipang, A•king Nokmarang, Company baksa dolgni soi ka•grikgimin Agreement-ko gital dake nipiltaichina aro Job Reservation-ko Agreement-o man•chapatchina nangnikaniko parakataha.

“Chingni nangnikanirangko chu•sokatja ong•ode, Nengkra Nokmani Chrarang aro songdongengipa manderang baksa apsan ku•monge mikkangchi rakbata sinjetaniko dake dingtang dingtang ja•kurangko de•angen” ine dolbri NGO-rang parakataha.

Leave A Reply

Your email address will not be published.