Resubelpara, July 31, 2022: North Garo Hills a•jani Kickboxer Te Prangkybirth M Momin WAKO India National Seniors’ & Masters’ Kickboxing Championship, 2022-ona seokako man•aha ine u•iataha.
Koborna u•iatani gitade, re•baenggipa World Combat Games 2023-o Riyadh a•songo ong•atenggipa aro 6 gipa Asian Indoor & Martial Arts Games 2023, Thailand a•songo ong•atenggipao selectionna kalna gita da•o 18-oni 22 August-ona Chennai-o on•atenggipa WAKO India National Seniors’ & Masters’ Kickboxing Championship 2022-o bakko ra•na gita Meghalaya State Kickboxing Association (MSKA)-ni seoke watatako man•ne Prangkybirth M Momin bakko ra•anggen.
Ua North Garo Hills a•jani Resubelpara Daram Tekalang songoni ong•a. Ua battanggimin bilsini August jao Goa-o ong•atgipa WAKO India National Seniors’ & Masters’ Kickboxing Championship 2021-o bakko ra•e matchotani ja•mano, ua October jao Himachal Pradesh-o ong•atgipa 2021 WAKO India National Kickboxing training camp-ona re•ange mikkangchi an•tangni kal•anio nambate kal•na man•na gita ua an•tangko taridapna gita re•anga ineba u•iataha.