Nexton Marak aro una chakgiparang TMC-o napea 

0

Tura, Feb 11, 2023: Bajendoba-ni saksa senior political dipgipa Nexton Marak aro una chakgipa sak 1000 manderang baksa Sonibar salo Meghalaya TMC-o napaha ine koborna u•iataha.

Nexton Marak baksa una chakpagipa manderangko TMC Legislature Party-ni dilgipa aro warachakenggipa dolni dilgipa Dr Mukul Sangma, aro Bajengdoba-ni TMC dilgipa Ashish Marak kusi ong•bee rimchaksoaha.

Nexton Marak Bajengdoba UDP dolni gitcham dilgipa ong•achim. Ua re•anggipa 2021 bilsini MDC electiono NCP ticketoni susaha aro namgipa vote percentage-ko man•ne sirikaha. Uni ja•mano ua NPP-o bakrime Bajengdoba-ni MLA aro NPP candidate Pongseng R.Marak-na kakket ong•e campaign ka•chim, indiba ua da•o TMC dolo nape TMC candidate-na kamko ka•angskagen ine parakataha.

Una agreba Dalu jolni sak 200-na bate NPP, BJP aro INC-ni manderang Sonibar salo TMC-o napeaha ine koborko man•soaha.

Koborni gitade, TMC-o gital napegipa manderangko Dalu-ni TMC candidate Sengkal A.Sangma aro Dalu-ni gitcham MLA aro Meghalaya TMC State-ni General Secretary Mukul Das kusi ong•bee rimchasoskaha.

Leave A Reply

Your email address will not be published.