Tura, November 26, 2022: Chang 6-gipa North Eastern Students’ Organisation (NESO)-ni tom•bimonganio November 23-oni 26 tarikona Tripura-o ong•atenba chanchirimaniko dakangahha.
Ia tom•bimonganio North Eastern Indiani dam 8 tribal a•dokrang apsan tom•e chanchirimanio Khasi Students Union (KSU), All Assam Students Union (AASU), Garo Students Union (GSU), Nagaland Students Union (NSU), All Arunachal Pradesh Students Union (AAPSU), Manipur Students Federation (MSF), MZP, Twipra Student Federation (TSF), Assam aro Meghalaya a•dok dam gnini sima ario ong•enggipa obostani bidingo chanchirimaniko dakangaha.
“Chinga dol 8 Students Organisation, West Jaintia Hills a•jani Mukroh songo ong•anggipa obostako raken jegala. Ia a•sel ong•anio Mukroh songni dos gri sak 5 ramram manderang aro Assam a•dokni saksa janggitangko gimaataha. Ian an•chingni dilgiparang sima ari jolo ong•enggipa obostako namatna man•jani a•sel ong•enga. A•dok sorkari indakgipa obostako namatna dondipgija kamrangko ka•na nanga. Dilgiparang simsakjani a•selsa indita sak manderang janggitangko gimaataha. Uni gimin dilgiparang bon•kamgipa chanchianiko dakna skang, sima ari jolrango dongenggipa manderang baksa agangolpogrikna nangchongmota. Unbaksana, sima ari jolo dongenggipa manderangna naljokaniko on•na nangchongmota” ine KSU aro AASU-ni dilgiparang sorkariko didiangaha.