A•dokni Skotong Minister ma•mongni Union Minister-ko grongea

0

Shillong, November 26, 2022: Meghalaya a•dokni Skotong Minister Pa Conrad Sangma aro Cabinet Minister-rang Bristibar salo Delhi songjinmaona re•ange, Ma•mongni Union Minister Amit Shah-ko grongenba Assam aro Meghalaya a•dokni sima ari jolo ong•anggipa obostani bidingo CBI enquiry-ko nangnika ine parakangaha.
Skotong Minister West Jaintia Hills a•jani Mukroh-o a•sel ong•aniko agan talate on•aniko knachake, Amit Shah November 22 tarik pringo Mukroh-o ong•anggipa obostani bidingo CBI enquiry-ko dakanggen ine ku•rachakataha.
Monggolbar pringo a•sel ong•anio Mukroh songni sak bonga aro Assam-ni saksa manderangko, Assam pulisrang goe siataha. Uamangna kakket bichalko ra•bana miksonge, Conrad Sangma, Union Minister-ko grongeaha.
Pa Sangma baksa Delhi songjinmaona Deputy Chief Minister Preston Tynsong, Home Minister Lakhmen Rymbui, PHE Minister Renikton Lyngdoh Tongkhar aro C&RD Minister Hamletson Dohling re•angpaaha.
Assam sorkariba ia obostani bidingo CBI enquiry-ko nangnika ine Union Minister-na agan janapbaengon, “Assam a•dokni Skotong Minister Himanta Biswa Sharma an•tangan aganaha, darangba kajiako a•bachengjaha, indiba Assam a•dokni pulisrangsa bilko jakkalsretaha. Uni gimin chinga sianggipa manderangna kakket bichalko ra•bana, Centrre Investigation Agency (CIA)-ko nangnika.CIA aro National Investigation Agency (NIA)-ba gipin Investigation Agency-rangchi sing•sandianiko dakgenchimoba, chinga kakketkosa ma•sina nanga. Uasan ong•aigija, dos dakgipa manderangni kosako ja•ku de•anggen. Union Minister, chinga Central Agency-ni ning•o donggipa Investigation Agency-rangko bang•gija salrangni gisepon watatgen ine ku•rachakataha. Unbaksana chinga a•dokni dingtang dingtang nanganirang jekai
Khasi aro Garo ku•sikko 8-gipa Schedule-o ra•gatna aro ILP-ko ra•gatani bidingo aro MRSSA-ko ra•gate mikkangchi kamrangko ka•angna raiko on•china gitaba mol•molangjolaha ” ine Skotong Minister parakataha.

Leave A Reply

Your email address will not be published.