Williamnagar, April 14, 2022:Ru•uta bilsirangna Tikrikilla jolni rama jal•angrangko tarigija galchipe donengani a•sel re•a doanio jolni manderang namen neng•nikaniko parakataha.
A•dok sorkari Garo Hills-ni bang•a rama jal•angrangko nirok simsakjani a•sel A•chik a•songo songdonggipa manderang pilakna bate re•a doanirango neng•nikaniko man•bata. Mongsongbate mikka wachini somoio chonchongipa bi•sarang skul salanti skul re•ruraanio rama jal•ang namjani a•sel skul re•na man•gija champengataniko man•ronga.Raksamgre Civil Sub Division-ni ning•o donggipa Chamaguri-oni Bollonggitok songona re•gipa ramako PWD department nirok simsakjani a•sel ua ramako ta•rake taripile on•china, Niksamso A•chik Society (NAS),Headquarter Simsanggre, a•dok sorkariko mol•molataha.
Garo Hills-o bang•a kamrangkon sorkari galchipe donengani a•sel songni manderang namen neng•nikaniko man•enga ine NAS suk ong•gijaniko parakataha. A•dok Sorkari maming saloba mikkang nitee kamrangko ka•na nangja, Garo Hills gimiknan apsan namroro silroroaniko on•na nanga ine NAS-ni President Tengrak Marak parakataha.