Mebanshem Snaitang an•tangko CM ni Personal Asssistant ine tol•e cha•bokronga
Shillong, April 13, 2022: Budbar salni bak o Shillong songjinmani Laitumkrah Pulis dolni karimskarang saksa Mebanshem Snaitang-ko a·dokni Skotong Minister Conrad Sangma aro James Sangma-ni Personal Assistant ine tol·e aganenba manderangko cha·bokana rim·aha ine koborko man·soaha.
Mebanshem Snaitang Laitumkrah Upland Road o Shillong Academic Coaching Centre-ko chalaiengachim. Ua Coaching Centre o skie ra·enggipa chadamberangna Chief Minister Conrad Sangma aro Forest Minister James Sangma-ni bimungko ra·enba chadamberangna sorkarini kamko tarie on·telgen ine tol·e aganenba uamangko cha·bokaha. Unbaksana ua Officer aro Senior Bureaucrats rangni soi ka·ani rokomko ja·rike tol·e soi ka·enba manderangko cha·bokronga ine National People’s Youth Front-ni memborrang Laitumkrah Pulis Station o badi ka·eaha.
Uamangni badi ka·aniko man·enba Laitumkrah Pulis dolni karimskarang uko rim·aha.