Williamnagar, March 21, 2022: Niksamso A•chik Society (NAS) songni manderang aro Nokma Sordar-rang baksa chanchirime March 19 tariko Phulbari Chibinang Unit-ko songaha.
“Ia tom•anio Phulbari Chibinang songni ma•a parang aro chadamberang NAS-ni gital Unit-ko nangnikenba dabianiko knachake, uamang baksa ku•mong nangrime gital Unit-ko songe on•angaha. Ia Unit-ko songani somoio songni dilgiparang aro gipin NGO dolni dilgiparangba bakko ra•angtokaha. NAS-ni dongimin niam retti-rangko uamangna talate on•aniko songni manderang jechakgijan ra•chaktokaha aro Unit-ni memborrang kimkim ong•e kamrangko ka•anggen ine jinmani mikkango ku•mitchetaha” ine NAS-ni President Tengrak R. Marak parakataha.
Phulbari Chibinang Unit-ni seokako man•gipa memborrang, Abel B. Sangma President, Ronal M. Marak Vice President, Tengbath A. Sangma Secretary, Probath M. Marak Joint Secretary, Nelmen M. Marak Organization Secretary, Nikseng A. Sangma Sports Secretary, Selisbath M. Marak Environment Secretary, Chengson M. Marak Socio-cultural Secretary, Evergrace M. Sangma Additional Secretary, Gujen Marak Publicity Secretary, Traseng Marak Adviser ong•achim.