Shillong, March 22, 2022: The Federation of All School Teachers of Meghalaya (FASTOM) dolni karimskarang monggolbar salni bak-o tombimonganiko ong•atenba uamangni ka•enggipa Adhoc skulko Deficit skul ona ro•doatchina aro dormaharangkoba bariatchina dabina ja•ku de•na jinma melie chanchirimangaha ine koborna parakataha.
FASTOM dolni karimskarang uamangni dabianirangko knachakjagenchimode re•baenggipa April jani 1 tarik oni Indefinite Strike ko a•bachenggatgen ine koborna u•iataha.
Da•o dipetde Adhoc skulni Lower Primary Skul o skigiparangna hajar 12, Upper Primary Skul o skigiparangna hajar 16, Higher Secondary Skul o skigiparangna hajar 24 dormaharangko on•enga. Meghalaya a•dok o dam 860 adhoc skul rang donga aro sak 70,90 skigiparang donga.
Association ni u•iatani gitade, uamangni dormahako 2016 bilsio baridapatna agre da•ona kingkingba baridapata dongkuja ine parakataha.