Williamnagar, December 6, 2022: “Jakgitelaniko man•na skang India a•songni North East a•dokrangni per capita income a•songni gipin a•dokrangna batachim” ine Dr Mukul Sangma aganaha.
Dr Mukul Sangma Sombar salo East Garo Hills a•jani Songsak, Megapgre songo Community Hall-ko oprake on•angaha.
Ia tom•anio Dr Mukul Sangma jinmana aganprakengon, “An•chingni NE a•dokrang pre-independence-ni chasongo a•songni gipin a•dokrangna bate per capita income batachim. Indiba sima arini obostako namatchipna man•jae rang•san man•gnirangko den•tonga gita ong•aha. An•chingni Atchu Ambirang ma•a-norang ua somoio bang•a neng•nikanirangko chagrongaha, indiba uamang an•tangtangko mangrake rakkiaha aro onatna on•jaha. Apsandaken an•chingni a•dokna North Eastern Council (NEC)-ni Central Assistance funding-rang dontongatako man•aha. Iarang pilakon sorkari nirokna nanga ” ine Dr Sangma aganaha.
Ia tom•anio Samandagre elakka-ni MDC Lahitson M Sangma, District Coordinator Anderson A Sangma, TMC Songsak Block President Romalson Ch Marak, Block Women President Grethalin N Sangma, unbaksana bang•a dilgiparang dongpae bakko ra•angaha.