Mukroh-o a•sel ong•ani bidingo Karbi Along-ni SP-ko kam ra•jitata

0

Tura, Nov 22, 2022: Monggolbar pringni 9 bajimango Assam aro Meghalaya a•dokni sima ario donggipa West Jaintia a•jani Mukroh songo Assam pulisrangni ka•saninggija silai goanichi sak 6 manderang so•otako man•aha aro bang•a manderang saknaako man•aha ine koborko man•soaha.
Ia a•selni bidingo Assam sorkari Central Agency-chi sandiatna chanchianiko dakaha ineba parakataha. Indake Assam pulirangni silai goanio dos gri ramram manderangko so•otani gimin West Karbi Anglong-ni SP Imdad Ali-ko kam ra•jitangaha aro uni palo gital SP Mrinal Deka-ko ra•baskaha. Unbaksana Jirikirding-ni OC Kajal Nath-ko kam dondikataha aro Forest Protection Force-ni skotongkoba kam dontongatengaha ine koborna parakaha.
Indake pulisrangni silai goanio guli nange sianggipa manderangna tangka gong lak 5-ko ex-gratia on•gen ine Assam sorkari parakataha.
Unbaksana Assam sorkari Meghalaya sorkari baksa chanchirimaniko dake ia a•selni bidingo ning•tue sandianiko dakna Judge-ko songna gitaba chanchiaha ine janapakataha.

Leave A Reply

Your email address will not be published.