Tura, November 22, 2022: Garo Students’ Union, Central Executive Committee (GSU-CEC) NEHU Tura Campus-ni Vice-Chancellor-na lekka sedoatenba, uamangni dabianirangko chu•sokate on•china mol•molataha.
“NEHU-ni Vice-Chancellor bilsisa ong•na am•piloba chingni dabianirangko chu•sokate on•kujaenga. Ua chingni dabianirangko chu•sokatna ku•rachakeba pa•sike bon•chipatna jotton ka•enga. Uni gimin chinga GSU-CEC-ni dilgiparang una sal gittam somoiko on•enga, ia salgittamni gisepo chingni dabianirangko chu•sokate on•jagenchimode, chinga Administration-ko chipanggen aro chu•sokatkuja dipetna jingjengatanirangko dontongjawa” ine GSU-CEC, HQ Tura-ni President Zikku Balgra N.Marak parakataha.