Tura, Nov 22, 2022: West Garo Hills a•jani Gambegre C&RD Block-ni ning•o donggipa Aminda Rangsa songo bija jillani bidingo skie on•enga. Ia training-ko District Commerce and Industries Centre (DCIC) Tura aro Tura NEHU Campus-ni Incubation Centre baksa bakrime Sombar saloni ong•ate Sonibar salo matchotatgen ine koborna parakataha.
Gambegre
C&RD Block-ni ning•o donggipa pilak songni manderangna bija jillanichiba janggi tangani cholko bikotna man•a ine miksonganio bija jillani niamrangko skie aro dakmesoke on•enga.
DCIC Department-ni Apiculture Mission aro Functional Manager, Frederick A Sangma jinmana aganprakengon, “Bija jilgipa sak 100 manderangko batch ge•gni dake sualenba uamangna bija jillani niamrangko aganskie mesokangaha. Unbaksana, bon•kamgipa batch-na Aminda Rangsa songo skie on•enga. Indake bija jillani niamrangko skie on•ani ja•mano uamangna bosturangko suale on•angjolgen. Ia training-ko ong•atna gita, National Institute Of Biotic Stress Management (NIBSM) aro NEHH Incubation Centre dakchakaniko on•enga, jekon DCIC kam-ona ra•baskaenga” ine parakataha.
Dambonga songrang jekai Chigitchakgre, Aminda Rangsagre, Aminda Simsang, Nengja Bolchugre aro Dilnigre jemangan Gambegre
C&RD Block-ni ning•o dongachim, uamangna DCIC aro NEHU Incubation Centre bija jillanio dakchakaniko on•anggen ineba parakataha.