MSOA Garo Hills-o bi•sarangni changa sapaniko nike katchaa

0

Tura, July 20, 2022: Meghalaya State Olympic Association (MSOA), Garo Hills aro South West Khasi Hills a•jarango Talent Identification Program-rangko ong•atange, indake ia program-o bang•a manderangni changa sapaniko nikna man•ne kusi ong•aniko parakanagaha.

MSOA-ni President John F Kharshing sal 9-na kingking Garo Hills-ko wenroroe niahaon, Australia a•songni mingsing minggamgipa Athlete-rangni gun aro changgipa sapgipa manderangko bang•en nikbana man•ne katchabeaha.

Indake Talent Identification Program-ko Supervisor Ian Campbell jean Australia a•songni gitcham Olympian ong•achim, uni nirokachi, Edge10 dolni ka•rimskarangna a•dok sorkari dakchakaniko on•skaenga.

Ia program-o uamang, bilsi 13-oni 17 ong•gipa me•chik aro me•a bi•sarangko ming bri test 20m sprint, 10m ladder run, compass drill aro vertical jumpo nambate dakgipa sak 6 me•chik bi•sarang aro sak 10 me•a bi•sarangko Garo Hills a•jaoniko seokangaha.

Apsandaken South West Khasi Hills a•jaoniko ming bri test-rangko ra•ange, sak 2 me•a bi•sa aro sak 1 me•chik bi•sako seokangaha.

Uamang SWKH a•jani Mawkrywat songoba July jani 9 tariko test-rangko ong•atangaha.

Indake Edge10 dolni ka•rimskarang Khasi aro Jaintia Hills a•jarangoba Talent Identification Program-ko ong•atangaha. Uamang July 20 tariko Mairang, July 21 tariko Nongstoin, July 22 tariko Nongpoh, July 23 tariko Jowai, July 25 tariko Khlieriat aro bon•kame July jani 26-27 tariko Shillong songjinmao ong•atanggen ine parakataha.

Leave A Reply

Your email address will not be published.