Tura, July 20, 2022: West Garo Hills a•jani ning•o donggipa Phulbari jolni GSU aro GSMC, GHADC-ni Deputy CEM aro Land and Revenue-ni incharge Nikman Ch Marak-na lekka sedoate, Phulbari jolo gipin jatko Mondol songani gimin jegalataha.
Phulbari jolni adita a•arangko niamo pangchake a•a patta-rangko tariaha. Iani gisepon, chinga gipin jatko Mondol songaniko raken jegalataha.
“Phulbari jolo gipin jatko Mondol songgenchimode, je dongrikenggipa a•arangba Mondol-ni ning•osa ong•gnok. Uni gimin chinga gipin jatko Mondol songaniko raken jegala” ine GSU Phulbari Regional Unit-ni President Peterjob A Sangma janapataha.
Unbaksana GSMC Phulbari Regional Unit-ni General Secretary Michael Sangma, GHADC-ni Deputy CEM aro Land and Revenue-ni incharge, Nikman Ch Marak-ko ia obostani bidingo ta•rake nirokatchina aro A•chik jatko mondol songchina dabiangaha.