Shillong, September 20, 2022: Armed Forces aro Civil Service-rangna salgittamni mid-career interaction programko Shillong songjinmani 101 Areao September 20 tarikoni 22 tarikona ong•atanggen ine koborna parakataha.
Ia salgittamna ong•atenggipa program-o “Evolving Joint Functional Structures for Real-Time Intelligence Gathering and Sharing”-ko katta bichong donne iani bidingo talbate ma•sie ra•na ong•atanga.
Tom•anio aganprakengon General KC Panchnathan AVSM, GOC, neng•nikani bidingo jinmana agantalatangaha aro kamrangko ka•anio bang•a intelligence agency-rang bak dongani a•sel jinma baksa melie kamrangko ka•na neng•nikaniko man•ronga ine aganangaha. Unbaksana, bakko ra•enggipa pilak manderangko an•tangni mikkangchi janggi tanganina nama skianirangko knae ra•angchina didiangaha.
Ia tom•anio bang•a u•igipa niksenggipa manderang bakko ra•enba uamangna skie on•anggen. Indake Armed Forces aro Civil Services dolgnian bang•a skidapanirangko man•gen ineba agandapangaha.