Tura, July 11, 2022: Meghalaya Pradesh Trinamool Congress (MPTMC), Sonibar salo Block Level TMC meetingko Asanango ong•atangaha.
Ia tom•aniko ong•atanio North Tura, Block Level Trinamool Congress Committee (BTCC)-ni dilgiparangko seoke jinmani mikkango ra•chakanga baksana Membership Drive-ko ong•atangjolaha.
Ia tom•anio seokgimin Block Level Trinamool Congress Committee-ni dilgiparangko West Garo Hills-ni District TMC Zonal-ni Coordinator aro North Tura-ni incharge Ma Sadhiarani Sangma seokgimin North Tura Block Level Trinamool Congress Committee-ni dilgiparangni bimingrangko parakatanagaha.
Seokgimin North Tura elakkani Block Level Trinamool Congress Committee-ni dilgiparanga Rollingstone Ch.Momin President, Laksen Ch.Marak, Ranjan Paul aro Charlote W.Momin Vice President, Romu Marak General Secretary, Raknang M.Sangma aro Likinson M.Sangma Joint Secretary, Rakseng R.Marak, Sengsrang N.Sangma aro Tengrang Sangma Organizing secretary aro gipin sak 50 Executive Member-rangni bimingrangko parakanagaha.
Indake ia tom•anio mongsonggipa sokgipa a•dokni warachakenggipa aro AITC dolni dilgipa Dr Mukul Sangma dongpaha, unbaksana Rangsakona-ni MLA Zenith Sangma, Chokpot-ni MLA Lazarus M.Sangma, North Tura-ni gitcham MLA Noverfield R.Marak, TMC MDC-rang, Block Level-ni TMC dilgiparang aro dingtang dingtang songni bang•a manderang bakko ra•angaha.
Dr Mukul Sangma mongsonggipa sokgipa jinmana aganprakengon, a•doko dingtanganiko ra•bana, “Be the Change” jatna rakbate kamrangko ka•angna Meghalaya a•dokni manderang baksa ku•monge gital miksonganio re•mikkangna Garo Hill-ni manderangko ku•mongangaha. Ua maini gimin Congress-oni ong•kate TMC-ona re•baskaha, da•o Meghalaya a•doko ong•enggipa obostarangko MDA sorkarini kamrangko pilakan ma•sia, MDA sorkari a•doko sason ka•ani bilsibonga gapahaoba mai development-rangko dakaha sakantian ma•sia aro nikna man•a. Uni gimin uandakgipa sorkarini kamko nie dongaiode a•dokni manderangna dal•be gimaani ong•gnok. Conrad Sangma-ni dilenggipa sorkari a•doko kangal cha•asianiko ra•baengaha, uni gimin MDA sorkariko bon•atna rake kamrangko ka•na nangenga ine aganangaha.
Education-an MDA sorkarini first priority ine Conrad Sangma aganaha, indiba ia fisrt priority da•o mai ong•skaenga, skigiparangna dormaharangko on•na man•jani a•sel dingtang dingtang jingjengataniko dakenga, medical department-o kam ka•giparang an•tangtangni man•gnirangko man•jani gimin re•jomaniko da•kangaha aro pulis recruitment-ni result-ko da•onaba on•kujaengani chadamberang jegalaniko dakaha. Uasan ong•aigija bang•a dingtang dingtang department-o kam ka•giparang channa man•pilgija jingjengataniko dakenga, indiba a•dokni tangkarangko bachi gimaatenga ine sing•doangaha. Iarang maini a•sel ong•enga, sason ka•na changjani a•sel a•doko bang•a neng•nikaniko ong•atenga. MDA sorkari mingsaba gital development-ko ra•baa dongja, da•o jerangko ka•engachim, angni chasongo tarianggimin projectrangsa ong•a. Meghalaya a•doko Medical Kolege dongjani gimin, Garo Hills-ona ra•baha, indiba MDA sorkari bilsibonga gapahaoba ia Medical Kolege-ko matchotna man•jaha. Ia Medical Kolege Garo Hills-o ba Meghalaya-o nangchongmotgipa ong•a, indiba ia nangchongmotgipa Medical Kolege matchotatna aro rama jal•langrangko taridapna MDA sorkari gisiko nangjaha. Uni gimin re•baenggipa 2023 bilsini eleksino apsan ku•monge a•dokna ka•dagipa aro kam ka•gipa dilgiparangko seokna nangenga uni gimin sakantian TMC baksa ku•monge kamko ka•china Dr Mukul Sangma sakantikon didiangaha.