Shillong, March 25, 2022: Meghalaya a•doko Secondary Skul Leaving Certificate (SSLC) porikka-ko Bristibar saloni a•bachengataha ine u•iataha.
Ia SSLC porikkako a•doko donggipa pilak skulni chatro chatrirang setokenga ine nikna gita man•aha. Ia 2022-bilsio a•doko SSLC porikkako segiparang sak 58,625 mang gapa. Jeonin sak 25,486 chadamberangde Regular-1 Category-o ga•aka, sak 15,062 chadamberang Regualar-2 Category-o ga•aka, uarangoni sak 6,347 chatro chatrirang Compartmental Category, sak 385 chatro chatrirang Private Category-o aro sak 9 chadamberang Improvement-na porikkako segiparang ong•enga ine u•iataha.
Ia bilsini SSLC porikkako segiparangni gisepo me•chik sak 33,278 aro me•asa sak 25,347 donga ineba u•iataha