Sak 15 chatro chatrirang head master simsakjani a•sel matric porikkako sena man•jaha

Tura, March 25, 2022: West Garo Hills a•jani Pedaldoba Secondary Skulo matric porikka segiparangni gisepo Rengsinpara Secondary skulni chatro chatrirang admit card man•jae sak 15 chatro chatrirang matric porikka sena man•jaha, ine GSMC Pedaldoba Regional Unit-ni Chairman Rimjen Ch. Sangma parakataha.

Rimjen Sangma-ni u•iatani gitade, sak 15 chatro chatrirangni Admit Card-ko tarina gita somoi ra•dogipa skulni head master katte dongenga aro una call ka•oba mobile switch off ong•enga ine parakataha.
Indake simsakgijagipa Head Master aro skul authority-rangni kosako sandianiko dake raka ja•kuko de•anggen ineba parakataha.
Indakgipa obosta maini a•sel ong•aha, ning•tue sandianiko dakgen aro ua dos dakgipa head master-ko ru•utgijan rim•a man•aigen ine parakataha.

“Ia sak 15 chatro chatrirang an•tangtangni bon•kamgipa matric porikkako sepana man•jae namen dukko man•a baksana dal•a gimaani ong•a, uni gimin indakgipa skigiparang aro authority-rangko rim•e niam gita sastiko on•na nangchongmota” ineba Rimjen Sangma dabiangaha.