Shillong, October 11, 2022: Meghalaya a•doko October-ni 13 tarikoni 16 tarikona “MEGHA KAYAK FESTIVAL 2022”-ko Umtham songo donggipa Umthrew chibimao ong•atanggen ine u•iataha.
Ia festival-o a•gilsak gimikni dam 20 a•songrang bakko ra•anggen. Indake ia Festival-o White Water Kayaking Event-ko bakgittam dake susaanggen, Downriver Time Trial, Extreme Salom aro Professional, Intermediate/Amateur racer-rangna Downriver Free-style-ko ong•atgen.
Ia Megha Kayak Festival 2022-o bang•a Water Sports Adventure-o mingsing minggamako man•gipa a•songrang jekai New Zealand, United Kingdom, Germany aro France a•songni manderang bakko ra•anggen. International Kayak Athlete-rang jekai Beth Morgan, Nouria Newman, Sofia Reniso, Giovanni De Gennaro mang bakko ra•anggen ine parakataha.
Unvaksana India a•songni mingsing minggamgipa Peddler-rang Amit Magar, Ashu Rawat, Anne Mathias, Nisphul Jose, Manish Rawat, Pinky Rana, Naina Adhikari mang bakko ra•anggen. Meghalaya a•dokni mingsinggipa Peddler-rang bilsi 20 ong•gipa Krawbor Mawnai, bilsi 17 ong•gipa Pynshyngain Kurbah, bilsi 16 ong•gipa Bishnu Sharma, bilsi 16 ong•gipa Batskhem Nongbak, bilsi 16 ong•gipa Mebanjop Kharkang, bilsi 21 ong•gipa Gilbert Kharkang, bilsi 17 ong•gipa Payaskhem Kurbah, bilsi 20 ong•gipa Vikas Rana, bilsi 20 ong•gipa Kyrshanborlang Khyriem bakko ra•anggen.
A•dokni Skotong Minister Pa Conrad Sangma, Meghalaya a•dokni aiao inmananiko a•gilsak gimikchi gipatna miksongani gnang. Indake Meghalaya Tourism, uni miksonganiko chu•sokatani bak gita Megha Kayak Festival 2022-ko ong•atenga.
Megha Kayak Festival 2022-o a•gilsak gimikni kona noksikni manderang bakko ra•na nisengsoenga. Indake ia festival-o bakko ra•na gita October 13 tarikko bimingtangko segatani bon•kamgipa tarik ong•gen. Indake festival-ni bidingo talbate ma•sina sikgenchimode https://www.meghakayakfest.com/ ona re•ange ma•sina man•gen ineba u•iataha.