Tura, Oct 11, 2022: Meghalaya a•dokni senior BJP dilgipa AL Hek, Sombar salo Tura-ona re•bae Garo Hills-ni BJP dilgiparang baksa duko ga•akenggipa Tura-ni MDC Bernard N.Marak-ni nokdangni manderangko grongeaha aro BJP dolni gita chu•gimik chakpaaniko on•ne duk ong•paniko parakangaha.
Hek-ni Tura-ona re•bae Bernard Marak-ni manderangko grongeani miksongara, BJP dolni gita Bernard Marak aro uni nokdangni manderang baksa ku•mongrimaniko dake ka•dimeatani kattarangko aganna gita re•baha.
BJP MLA AL Hek-ko Tura-ni BJP dilgiparang mande ra•bee rimchaksoaha. Indake Tura Circuit House-o tom•aniko ong•atangjolaha. Tom•anio dongpagipa Garo Hills-ni BJP dilgiparanga Daulat Marak District President, Wilver M Danggo District General Secretary, Rikman G.Momin National Executive Member, Rakhi Sangma District Mahila President, Anish Sangma District Youth President, Ismail Marak gitcham minister, Hubert Sangma State General Secretary ST Morcha, Charles Sangma National Executive Member Kissan Morcha, Shammy Momin District President Kissan Morcha, Deepan G.Momin District Youth General Secretary, Rakrak Marak District IT & Social Media Convenor, Raksrang Sangma District IT & Social Media Secretary.