Shillong, August 30, 2022: Meghalaya Energy Corporation Limited (MeECL) Department-o kam ka•enggipa manderangko Service regularise ka•kujaengani gimin bang•a NGO-rang uamangni kamko jegale jingjengatanirangko a•bachengataha.
Skanggipa phase-o uamang gisim badge-ko ganne duk ong•aniko mesokangaha. Sorkari uamangni dabianirangko knachakjagenchimode, gnigipa phase-ko September 5 tarikoni 16 tarikona ka•angskagen ine parakataha. Ia jingjengataniko MeECL Progressive Workers Union (MPWU) aro Coordination Committee of Registered MeECL Employees Association and Union (CCORMAU) apsan bakrime ong•atanggen.
MPWU dolni u•iatani gitade, MeECL Department-o sak 2000 mangna bate kam ka•gipa manderang gnang. Contractual basis-o kam ka•enggipa manderang 2018 bilsionin arrear-rangko man•kujaenga ineba parakataha.
Union-ni dilgiparang, contractual-o kam ka•enggipa manderangni kamko regularise ka•china gitaba dabiangaha. Sorkari MeECL Department-o bilsi 15-na bate contract basis-o ka•enggipa manderangni kamko regularise ka•na tik ka•ahachim. Indiba Union ni manderang bilsi 15 ko jegale bilsi 10-oni regularise ka•angchina dabiangaha. Indake sorkari bilsi 10-ko ra•chakna jechakani ja•mano uamang bilsi 12-oni regularise ka•angchina mol•molangaha, jekon Chairman aro Managing Director ra•chakaha.
Sak 500-oni 600 rangkosan skanggipa phase-o regularise ka•chenggen ineba uamang parakataha.