Shillong, Jan 15, 2023: Khasi Hills a•jao songdongenggipa manderang Meghalaya-o dal•batgipa Constituency-rangoni damsa Mawryngkneng-o re•anggipa adita bilsirangni gisepo dingtangmancha silroro-namroroanirangko bang•en nikna man•aha. An•tangni constituency-o manderangni janggi tangani gadangrangko namdapatna, NPP-ni MLA Pyniaod Sing Syiem maming cholko watchangjaha.
Sorkarini bang•a scheme-rangko on•na somoi gita kam ka•e matchotataha aro nambata bewalo kam ka•aniko nikna man•aha.Ua songo daka rikani kamrang, jekai rama jal•langrangko tariani, chi sale on•ani, an•seng-baljokani ba pora-skianirangko ra•baani namen namdapaha ine parakataha.
Ia nangchongmotgipa kamrangko batanggimin salrango maina on•na man•jahachim? Namroro-silroroanio ka•sinaniara sani dos? Iarang gital scheme-rang ong•ja aro sorkariko ru•uta bilsirangna chalaiaha. Indide, mai gital ja•ku de•anichi ia namdapanirangko ra•bana man•aha?
U•i-ma•siani ning•tugijagipa ramram mandeba, sorkarian namako ra•bana ba bon•atna bil donga ine u•ia. A•dokko chalaianio namgipa aro bilakgipa dilgipani donganiara nangchongmotgipa kam ong•a.
NPP-ni dilgipa MDA Sorkarini skotong minister Conrad Sangma-ni dilanichi sorkarini scheme-rang aro kamrangko nigrike ka•anichi ia scheme-rangko kam ka•anio namdapatna man•aha.An•tangtang janggi tangani cholrangko am•na gita, a•dokni manderangna FOCUS aro FOCUS+, PROGRESS, PRIME, Skills kamrangko Sorkari a•bachengataha. A•dokni scheme-rang jekai JJM, MGNREGS aro NRLM-rangko nambate dakna man•na gita, dingtangmancha kam ka•anirango chu•sokanirang neng•nikanirangko niroke kam ka•aha.
Ministry of Arts and Culture aro Ministry for Information and Technology-ni ning•o ge•gni aiao inmangioa project-rangko tariaha, uaranga- Shillong International Centre for Arts and Culture (SICPAC) aro Shillong Technology Park jekon gong kror 180 aro kror 62 tangkarangchi rikataha. SICPAC-ko Shillong-ni nitogipa a•dingo niwate tariaha. Conrad K Sangma CM CARE Scheme-ko a•bachengataha aro State Convention of Frontliners-ko SICPAC-ko oprake on•aha, jeon ua Angawadi worker-rang aro Helper-rangna dormahako bariatgen ine parakataha.
Meghalaya sorkari ge 300 project-rangoni, IT Park-ko ja 25-ni gisepon rikaha. Ian a•dok sorkarini project ong•a jeon IT company-rangko damsano kam ka•ate ge 1500 kam ka•ani cholrangko a•dokni chadamberangna on•aha. Da•o Phase II-na pangchakani ro•ongko songaha, jechin ge 4000 kam ka•alni cholrangko bikotna man•gen.
MLA Pyniaid Sing Syiem Routes Livelihood Training center-ko oprake on•aha aro una agreba Chief Minister’s Housing Assistance Program-ko tariaha. Ua Mini Fete of St. Rose Secondary Skulkoba Umpling-o oprake on•a baksana Football Stadium-ko Mini Stadium-ona nambate taridapna ua biapon sorokrangko apalatna metallic aro black toppingko on•ne tarienba pangchakani ro•ongko songe on•aha.
Ia chu•sokanirangko nike, skotong minister adita ramarangko apalatna aro songsaoni songgipinona soktike tarina gitaba tik ka•aha. Iarangko dakengon, Umpling dollong gita tarina aro uano songdonggipa manderangna altuae re•rurana chol on•na Umpling jolni sorokko 10 apalatna tik ka•aha. Una agreba, ua Lumkseh Water Supply Scheme, Mini Eco Park & Viewpoint aro Mini Stadium-ko gong kror 5 tangkarangchi tarina pangchakani ro•ongko songe on•angaha.
Uandaken, NPP-ni dilenggipa MDA Sorkari songsa-songgipin baksa nangdimatna aro rikgiminrangko name rakkina, manderangko altuae aro naljoke songre-songgabatna gita dakchakenga.
Ia constituency-ni me•chikrangna dakchakaniko on•na, sorkari gong kror 1 tangkarangko tik ka•aha aro skanggipa chasongni me•chikrang bading chiwalanio tang•doatna Srptember 7 tarik 2022 bilsio Community Investment Fund-ko (CIF) sak-5 VO-rangna on•aha.
Mawryngkneng-ni manderangna nambata sanna-banani cholrangko on•na, skotong minister Mawryngkneng CHC-ko Deputy CM Prestone Tynsong, Pyniaid Sing Syiem aro MDC-ni mikkango oprake on•aha.
Ia CHC-ko PHC-ona taridapaha aro PHC-o palang ge-6-oni ge 30-ona baridapataha aro an•o kegipa ma•giparangna dongchakchengani nokrangko skotong minister-ni Safe Motherhood Scheme-ni ning•o taridapaha. Ia sanchakram biaprango bi•sa atchiatani aro Maternal Mortality Rate ba bi•sa an•pakanio ma•giparangni sianiko a•doko komiatna ku•chake on•ani ong•a. An•seng-baljokanio neng•nikanirangko namatna dingtang dingtang dakbewalrangko jakkalaha. Health insurance coverage-ko nokdangprakna gong lak 5.3-ona bariataha.
CM MOTHER Portal-ko a•bachengate, sak lak 2.2 an•o kegipa ma•giparangko am•sandie nanggipa somoi aro biapo dakchakanirangko on•na gita jakkalenga. Ia jao bi•sa an•paknagipa ma•giparangni gimin see rakkianirang donga aro name bilake bi•sa an•pakaniko sanchakramo donna aro cha•a-ringanirangko aganne on•na gita Health Department nirokatenga. CM- Safe Motherhood-ko a•bachengate salruraani garirangko aro dongchakchengani nokrangko ma•giparangna tarie donenga.
NPP-ni dilenggipa MDA Sorkari a•dokni manderangna namroro-silroroaniko ra•bana dontonggija kamko ka•enga. Manderangna Sorkarini aganronga gitan, NPP kam ka•giparang manderangna kam ka•chongmotenga ine uni kamrangchin sakkiko on•a.
Manderangna sorkarini dakna nanggnirang bang•kuenga, indiba, Pyniaid Sing Syiem gipin dilgiparang gita ku•chakmangmangaijaha,indiba songdonggipa manderangna namgnirangko ra•baaha ineba parakataha.