Conrad Sangma Tura Beautification Project-ko oprake on•anga

0

Tura, January 15, 2022: Meghalaya a•dokni Skotong Minister Conrad Sangma Tura songjinmani Araimile, Hawakhana, Ringrey aro Chandmary junction-ni beautification project-rangko January 14 tariko a•jani Diatrict Auditorium-o oprake on•angaha.

Unbaksana North Tura-ni MLA Thomas Sangma Chidekgre, Babadam songo rikenggipa Arts and Culture Cum Museum-ko oprake on•angjolaha.Ia museum-o A•chik jatni jakkalgipa bosturang, doka dam•anirang, rokomanti bosturangko mikkangchi gimaoniko rpingna gita rikaha.

Conrad Sangma PWD Department-ni ning•o tarienggipa sorokrang Sasatgre-oni Sakal Aduma, Sasatgre-oni Daribokgre sorokrangko oprake on•angjolaha. Unbaksana The Viewing Deck, Cafeteria aro Tourism Department-ni gita Daribokgre-o rikenggipa Nok A•chik Project-koba oprakangaha.

Conrad Sangma jinmana aganprakengon, “West Garo Hills-ni Headquarter Tura ong•genchimoba, a•doko dal•batsranggipa, Urban town-oni gnigipa ong•genchimoba, ua adita bilsirangna maming tang•doaniko man•jaha. An•chingni a•jako niatoatna aro dingtanganiko ra•bana Beautification Project-ko nanga. Indake gong kror 9-ni Street Lighting Project-ko taria matchotani ja•mano, Tura songjinma skangna bate nitodapgnok” ine aganangaha.

Ia project-ko Municipal Department matchote tarichina pakwataha. Unbaksana kam ka•arangko nirok sandichina ge•etaha. Ua a•jani manderangko songtang noktang gitan a•jana ka•sae rongtale rakkiangchina didiangaha.

Ua Pulis Department-ko ia project-ni kamrangko nirokan baksa a•jako niatoatna tarigipa bosturangko nosto ka•gipa manderangni kosako ja•ku de•angchinaba ge•etangaha.

Skotong Minister Conrad Sangma, a•jani manderangko Chidekgre, Babadam-o rikenggipa museum-chi re•ange niechina gitaba didiangaha. Unbaksana, ia Museum-ko matchote rikmanahaode a•doko aro North East gimiko nambatsranggipa museum ong•gnok ineba aganangaha.

Ramarangko tariani bidingo aganprakengon, “Nokrek jolona re•anggipa ramako tarianichi songo dongenggipa aro biapko nina re•bagipa manderangna maming neng•nikani dongjawaha. Nokrek Bio-Reserve-ko tom•tome rakkiangna gitab ua re•baenggipa salrango Chandigre songoni Bijoli gari songengako watgen” ineba agandapangaha.

Auditorium-o ong•atanggipa tom•aniona North Tura-ni MLA Thomas A. Sangma, a•jani Deputy Commissioner Swapnil Tembe, Tura Municipal Board-ni Chairman JD Sangma, Tura Municipal Board-ni CEO Rikse Marak dongpae bakko ra•angaha.

Uasan ong•aigija, North Tura-ni MLA Thomas A.Sangma Chidekgre, Babadam-o rikenggipa museum-ko oprakanio Tura Municipal Board-ni Chairman JD Sangma, MCCL-ni Vice Chairman Dabo M Marak, a•jani Deputy Commissioner Swapnil Tembe, Rongram C&RD Block-ni BDO Manoranjan Marak bakko ra•angaha.

Ia Museum-ko rikna gita Chidekgre songni Nokma Ronald Marak a•ako sorkarina jaksrambee on•aha ineba mittele aganangaha.

Leave A Reply

Your email address will not be published.