Marcuise Marak East Garo Hills East Garo Hills-na namroro silroroaniko ra•baa

Williamnagar, Jan 19, 2023:East Garo Hills, nambatgipa a•dok dam 10-oni damsa ong•a. NPP-chi dilenggipa MDA sorkari bang•a sector-rangon gisik nange kamrangko ka•ani namroro silroroaniko man•aha.

Ma•mong sorkarini on•atgipa scheme-ba ong•chong, Meghalaya a•dokni tarigimin scheme-ba ong•chong, Conrad Sangma silroro-namroroaniko ra•bana rakbee kamrangko ka•aha.

East Garo Hills a•jani skotong Williamnagar-ko dingtangatani kamko NPP MLA Marcuise N Marak aro skotong minister Conrad Sangma baksa ku•monge kam ka•anichi ong•aha. Marak elakkatangni ning•o pilak kam ka•anirangko niroke jako ra•aha. Williamnagar-an Wilwilao donggipa songrangni mongsonggipa antidam ong•a.

Uandaken, East Garo Hills a•jao palna sim•na aro brena altugipa biap ong•a. Apsandake MDA sorkarini jako ra•e kam ka•gipa me•chikrangni SHG-rangko dakdilanichi Williamnagar jolo chu•sokanio man•aha. Uan agreba, FOCUS-ni namgnirangko man•gipa game cha•giparang Williamnagar antidamona re•ange an•tangni ge•e game man•gipa bosturangko palna sim•na man•anichi mongsonggipa ong•a.

Jolo kim•kime bebe ra•gipa manderang, chadamberngna aro game cha•giparangna janggi tangani cholrangko on•na, me•chikrangko bil gnangatna, bilgrigipa manderangko simsakna kamrangko ka•aha.

Dambo Rongjeng-o 2018 bilsio ge 20 SHG-rangsan dongaiachim, indiba 2022 bilsio ge 950-ona bariaha. Rongjeng Block-o 2018-23-ona km 267 sorokrangko tariaha, jean 2013-18 bilsiona km 60 rangsan ong•engkuachim. km

35 ro•gipa Nengmandalgre-oni Mandalgre-ona sorok aro km 7.82 ro•gipa Nengmandalgre-oni Chisobibra-ona dakanggipa sorokko a•bachengataha ineba parakataha.

Rural Infrastructure Development Fund (RIDF)-ni ning•o, NH-oni Samanda Rikwareng-ona aro Samgong-oni Akelgre-ona km 1.5 ro•gipa sorokko manderangna altuae re•rurana man•na gita tarie on•aha. Marcuise N. Marak bang•a project-rangko Williamnagar jillani ning•o sorokrangko apalbate taridapna gita a•bachengataha.

Bibraoni km 2 ro•gipa sorok Police Reserve-oni Balsrigittim-ona aro sorok bibra 26-oni Balsrigittim internal link sorokona Williamnagar jillani ning•o sorokrangko apalbatataha aro namdapataha.

Skotong minister Conrad Sangma-ni dakchakanichi, Marcuise N Marak World Bank-oniko Williamnagar-ni sorokrangko namdapatna tangkarangko on•china didiaha. Project-rang jekai Williamnagar jillani sorokrangko taridapani aro reppidapani, metalling aro black-toppingrangko janapataha. Marcuise N. Marak-ni mikkango, skotong minister Rongon Chibimani kosako Rongbingdoldak-oni Chekwebibra-ona dollong kabatna aro uano nakategipa sorokrangko tarina gong kror 7.81 tangkarangko man•ne pangchakani ro•ongko songaha.

Unbaksana ge 9 VEC-rangni SRWP aro MBDA baksa Rongre chibima kosako tarigipa Warimandal Dollongko ua oprake on•aha. Ia dollong dam 9 songrangko nangdimata aro ian chibimani paksao songdonggipa manderangni jumang chu•sokaha. Indake Marcuise N Marak-ni dilanichi bang•a dollongrangko Williamnagar elakkani ning•o tariaha jekai Chima Dachit songo Hanging Bridge, Rongsak-o Submersible Bridge, Samanda-o Submersible Bridge, Simsang aro Kampil Chibima kosako Submersible Bridge-rangko kae on•aha.

Indake pilakon namroro-silroroaniko ra•bana, an•seng baljokani aro lekka porani cholko ra•aniara nangchongmotgipa kam ong•a. An•seng-baljokani cholrangko ra•baanio Marcuise N Marak-ni jaksrame on•gilanirangko nikna man•aha. An•seng-baljokanina dingtang dingtang kamrangko ka•engon, ma•giparangna MOTHER aro CM-SMS, MHIS-ko lak 2.6-oni lak 5.3-ona bariataha. Skotong minister Conrad Sangma Nengmanddalgre PHC-na gital nokko rikna oprake on•aha aro CMni relief fundni ning•o gital ambulancerangko Williamnagar Civil Hospital-o Marcuise N Marak-ni jakchi pakwate on•angaha.

Iarangko dakanichi Meghalaya-o an•seng baljokani cholrangko dakchakaha. Williamnagar-o Corona Centre aro solar lighting facility-ko skotong minister oprake on•aha. Indake Williamnagar Civil Hospital-na Ministry of Health Kayakalp Award-ko 2019-20 bilsio on•aha. Namgipa aro pilaknan man•a amgipa skia poraianiko on•ne manderangna dingtanganiko ra•bana, Marcuise N Marak Williamnagar elakkao skie ra•chakramrangko namdapatna gita kam ka•aha. Damgni Eklavya Model Residential Skulrang (EMRS)-na pangchakaniko Samanda Rikwareng aro Nengkra-o songaha. Iana agreba, poraigipa chatro chatrirangna dongchakaniko on•na gita Williamnagar Government Kolej Building me•chik aro me•asa Hostel-koba oprake on•aha..

Indake chatro chatrirangna Tabletrang aro ki•taprangko District Administration-ni basegimin ‘Super 30’ chatro-chatrirangna on•aha. Skotong minister Government Kolej building gitalna pangchakaniko songe on•aha. MDA sorkari a•sok gimikni chatro-chatrirangna nambata skie ra•aniko on•na jako ra•e ka•angaha.

A•doko ge•e-game cha•giparangni janggi tangani gadangko namdapatna sorkari kam ka•aha. Iako u•ie, Marak pilak kamrangna ja•ku de•aha. Indake MDA sorkari game cha•giparangna FOCUS and FOCUS+ni gita dakchakaniko on•na ku•chakaha, jechin a•dokni chadamberangna pangkamgipa janggi tangani cholrangko on•na man•gen. Mission mode project-rangko mongsongbate game ge•e man•gipa bosturangna a•bachengataha. PROGRESS scheme-ni gita (Rural Backyard Piggery Support) songrango donggipa kangal-cholgribatgipa manderangna wak bi•sarangko sualataha. Marcuise N. Marak elakkatangni ning•o water management aro urban rejuvenation project-rangkoba a•bachengataha. Skotong minister Conrad Sangma Williamnagar Water Supply Project-na pangchakaniko songe on•aha, jean Williamnagar-ni nokdang ge•prakna ringani chirangko sokatna gita sorkarini a•bachengatgimin kam ong•a. Ia scheme manderangni nangnika gita chiko 2050 bilsiona kingking on•anggen. Una agreba skotong minister Williamnagar Municipal Board-ni office nokna pangchakaniko MLA-ni mikkango songe on•aha. Uni MLA ong•e kamko ka•anio, Williamnagar jillao Sorkarini a•arangko a•kange rakkina gitaba nangchongmotgipa cabinetni raiko ra•aha.

Kobor ra•timgiparang baksa agangrikengon, skotong minister Conrad Sangma gong kror 23 tangkani project-ko Ministry of Tribal Affairs aro A•dok Sorkari melie Nokrek Reserve-na tikataha ine parakataha. Iako dakanichi Nokrek Reserve-o a•palchini re•bagipa manderangna dingtang dingtang cholrangchi nina on•gen. Memo Lake-ko tourist manderangni re•bana namnikgipa biap dake tarie on•aniko nangnikaha. Indake Memo Lake-ko rongtalatna aro nirokna adita program-rangko a•bachengataha. MDA sorkari Meghalaya a•dokni silroro namroroanina kamrangko ka•aha. Batanggimin sorkarini chu•sokatgija donanggiparangko Marcuise N Marak ta•rake kamrangko ka•ataha aro Williamnagarni manderangna aiao inmanpilgipa namgnirangko ra•baaha.

Marcuise Marak-ni gisiko nangbee dangdike on•anichi elakkatangni manderangna bang•a namgniko ra•baha.