Ma•gipa saksa skotong minister-ni boningtangko badi ka•a

0

Tura, April 20, 2022: West Garo Hills a•jani Ma Jaynie N Sangma, Sanjay A Sangma-ni kosako niam gri gario Siren teke jakkalenba manderangko neng•nikatani gimin, Budbar salo Tura Pulis Station-o badi ka•aha.

Jaynie N Sangma, April 17 tariko East Garo Hills a•jao donggipa Rongjeng-ona maharini siachi re•angenba, un attamo, Rongjeng-oni Tura-ona re•bapilenngachim, ua somoio mikka balwa ta•rakani gimin gariko simsake salenba walni 9:45 bajimango Tura Chasinggre-ona sokahaon, Toyota Fortuner gari registration nombor- ML 08-J-1974 siren on•petpete bang•a garirangko katsekangaha ine u•iataha.

“Anga Rongjeng-oni Tura-ona re•bapilmiting somoio mikka balwa aditan rakaha, una anga a•sel ong•anioni naljokna gita gariko ka•sine salengachim. Angni Chasingre-ona sokahaon rang•san Toyota Fortuner gari ge•sa siren on•petpete angni gariko aro gipin garirangko salprete katsekangaha. Siren gam•ako knae, anga VIP mande re•baenga ine chanchiahim. Indiba sing•sandie niani ja•mano, ua Toyota Fortuner gari darang VIP-niba ong•ja, indiba skotong Minister Conrad Sangma-ni boninggipa Sanjay A Sangma, jean MLA, MDC ba dal•gipa Officer ong•gija, an•ching gita ramram mandean ong•achim. Ministry of Transport and Highway Department 2017 bilsini May 1 tariko Private garirango aro office-ni garirango Beacon Light-ko teke jakkalna man•jawa ine niamko donaha. Unbaksana India a•songni Supreme Court Politician-rang aro Minister-rang manderangni ramako re•genchimode, beacon light-ko jakkalna beng•aha. Indide Sanjay Sangma ramaram mande ong•eba maikai beacon light-ko jakkale jinmako neng•nikatenga. Ian jinmani nikanio kragipa kam ong•ja aro ia obostani bidingo pulisrang sing•sandie dos dakgipa mandeko kraa gita niamo pangchake sastiko on•na nanga” ine Ma Sangma janapataha.

Leave A Reply

Your email address will not be published.