AAYWS dolni karimskarang tom•bimonganiko ong•atanga
Tura, April 20, 2022: All A•chik Youth Welfare Society (AAYWS) dolni karimskarang April jani 16 tarik o Dadenggre songo tom•bimonganiko ong•atangaha ine koborna parakataha.
Ia tom•bimonganiko ong•atanio AAYWS Dadenggre Unit-ni President rimchaksoani kattarangko jinmana aganprakangaha. Unbaksana AAYWS CEC -ni President Salmyang Marak A•chik a•songna kam ka•na nanganirangko aganjanapangaha aro uamangni President Zingzing N Sangma A•chik jatni daka rikako ripingna kamko ka•angna jinma baksa ku•mongangaha.
Ia tom•bimonganio uamangni dolni pilak karimskarang A•chik jatna an•tangko on•kange kamko ka•angna ku•mitchetangtokaha.