Loyola Kolege-o an•chi on•ani camp-ko ong•atanga

0

Williamnagar, April 29, 2022: East Garo Hills a•jani Loyola Kolege-o NSS dol an•chi on•ani ba Blood Donation Camp-ko ong•atangaha ine koborna u•iataha.

“An•chi on•ani camp-ko re•anggipa April 27 tariko 12:30 bajioni attam 3:30 bajiona ong•atangaha. Ia camp-ko ong•atanio Dr. Jimmy Marak camp-ni incharge ong•e nirokangaha. Una agreba a•jani bang•a Dokdor aro Nurse-rang bakko ra•angtokaha.Indake an•chi on•ani bidingo mikrakatani kattarangko aganangjolaha. An•chi on•enggipa manderangna palang ge•gittamko tarie on•aha. Poraienggipa sak 6 chatro chatrirang aro sak 9 skigiparang chu•gimik sak 15 manderang an•chi on•angaha.An•chi on•gipa manderangna dochi, biteni bitchi, te•rik, aro ring•ani chirangko on•angaha. An•chi on•anio bakko ra•anggipa aro re•bae dakchakaniko on•gipa Dokdor-rang aro Nurse-rangko English Department-ni Lecturer aro NSS-ni incharge Withseng Ch. Marak mittelangskaha” ine Political Science Department-ni chatro saksa aro NSS President Alprin R Marak u•iataha.

Leave A Reply

Your email address will not be published.