Tura, April 29, 2022: Meghalaya a•dokni Hydro Power Station (HPS)-o chini level tang•onahani gimin bijolini bilrang namen komiahaniko nike Meghalaya Power Distribution Corporation Limited (MePDCL), April 30 tarik dipet salanti Load Shedding-ko a•bachengatna ga•akaha ine Tura MePDCL Western Zone-ni Chief Engineer, BR Sangma u•iataha.
Uni gimin pilak bijoli jakkalenggiparang neng•nikaniko man•genchimoba, gital ge•etaniko man•taikujana kingking chakchiktokpachina mol•molataha.
Load Shedding ka•ani somoiara 1:00 hrs-oni 5:00 hrs-ona Garo Hills gimikon ong•atanggen.
Garo Hills-o donggipa power station-rangara 132/33 KV Rongkhon Sub Station, 132/33 KV Mendipathar Sub Station, 132/33 KV Nongalbibra Sub Station aro 132/33 KV Chiringpara (Ampati) Sub Station. Ia power station gimikon konta 4-na load shedding-ko dakanggen ine u•iataha.