Shillong, August 31, 2022: Khasi Students Union (KSU), Education Cell, Meghalaya Board Of School Education (MBOSE)-ni klas 10-na chappa ka•gipa Social Studies (SS) ki•tapo segualaniko nikaha.
KSU dolni u•iatani gitade, SS ki•tapo Eastern West Khasi Hills a•jani Skotong songjinma Mairang-ko Garo Hills Division-ni ning•o ga•akataha.
Iako jegalatenba KSU-ni Education Secretary, Raymond Kharjana Budbar salo MBOSE-ni Joint Director M. Marbaniang-ko gronge ia segualani bidingo janapangaha.
Ia segualani bidingo uamang ta•raken kamko ka•anggen ine u•iataha.