Mawmuthoh Health Sub-Centre-ko nokdonggae on•a

0

Shillong, August 31, 2022:Nongkrem elekka-ni MLA, MDC aro Skotong Minister-ni (aganku•pattimgipa) Adviser Lambor Malniang Monggolbar salo East Khasi Hills a•jani ning•o donggipa Mawmuthoh songni Health

Sub-Centre ko nokdonggae on•angaha.

Ia tom•aniko East Khasi Hills a•jani District Medical Health Officer, Meghalaya a•dokni Directorate of Health Services (MI) aro Health Engineering Wing bakrime ong•atangaha. Indake ia Health

Sub-Centre-ko rikna gita tangka gong lakh 15-ko jakkalaha ine parakataha.

Lambor Maniang mongsonggipa sokgipa ong•e, jinmana aganprakengon, ru•uta bilsirangna Mawmuthoh songni manderangni jumang niksogipa da•alo chusokaha. Da•ode songni manderang songtangon, Sub-Centre-ko man•aha. Songni manderang Smit-chi sanna bananiko dakna re•na nanggija songtangon sanna banna gita man•gnok.

“Anga dingtangmancha Rangbah Shnong, songni manderang aro Health Department-ni manderangko mittelna sika. Da•o songtangon Sub-Centre donganichi songni manderangna bang•a dakchakani ong•gnok. Anga songni manderangko sorkarini on•enggipa, immunization programme, maternal aro child health care ba uandakgipa scheme-rango bakko ra•angchina mol•molangna sika” ine aganangaha.

Indake ia tom•anio Little Flower Skul, Chakinah Skulni bi•sarangni ku•rangchi git ring•e jinmako rimchaksotokaha.

Leave A Reply

Your email address will not be published.