Khasi Ku•sikko aganna man•gijagipa bi•sarangna ST Certificate-rangko on•jawa: KHADC-CEM

0

Shillong, March 11, 2022: Khasi bi•sarang jemangan Khasi ku•sikko ba ku•tangko aganna man•jachim, uamangna Schedule Tribe (ST) Certidicate-rangko on•jawa ine Khasi Hills Autonomous District Council (KHADC)-ni Chief Executive Member (CEM) Titosstarwell Chyne Bristibar salo parakataha.
Iani bidingo Mylliem-ni MDC Ronnie Lyngdoh aganchakaniko on•engon, bringipa ma•a paarang Khasi aro Khasi ong•gijagipa bi•sarang ST Certificate-rangko man•na gita namen neng•nikaniko chagronggen ine aganaha.
Ma•gipa Khasi aro pagipa Khasi ong•gijagipa bi•sarang Deputy Commissioner Office-oni on•enggipa ST Certificate-rangko skulna nangchongmota, uni gimin bi•sarang namen neng•nikaniko man•gen ineba Lyngdoh aganaha.
Bringipa ma•a paarang iani bidingo kajia ong•naba gnang, indiba ST Certificate-rangko man•na gita bi•sarangna niamko donaha. Ua niamara Khasi Social Custom of Lineage Act (KSCLA)-ni gita skanggipa Khasi nokdango KHADC-ni on•gipa “Khasi Tribe Certificate” (KTC) dongna nanggen ine CEM aganchakskaha.
“Iandakgipa a•selo ga•akenggipa manderangna DC office-oni rang•san ST Certificate-rangko on•na man•jawa, indiba skanggipa nokdango district council-oniko KTC man•chengna nanggen” ine Chyne aganaha. Apsandake “District Council-ba rang•san (direct) KTC-ko on•jawa, indiba bi•sarangko district council-ni appoint ka•ako man•gipa Registered Authority-rangchi interview ra•chenggen aro bi•sarangni aganako knachenggen. Uni gisepon bi•sarang interview-o Khasi ku•sikko agana man•jaode, uamangna KTC-ko on•jawa” ineba CEM agandapangaha.

Leave A Reply

Your email address will not be published.