Kendriya Vidyalaya Tura ni chadambe sakgni Fit India Quiz Finals o bak ko ra•anggen
Tura, April 4, 2022: West Garo Hills a•jani Kendriya Vidyalaya Skulni sak gni chadamberang seokako man•enba Meghalaya a•dokni pal o New Delhi ona re•ange Fit India Quiz Finals o bak-ko ra•anggen ine ui•ataha.
Rasong gnangbee seokako man•gipa chadambe sakgni ara Prabhjot Kaur aro Sadik Choudhary ong•a. Uamang Ministry of Youth Affairs and Sports ni ong•atenggipa Quiz Competition o bak-ko ra•enggipa dol 36 oni dol 1 gipa ong•a.
National Quiz-o chegipa dol an•tangtangna aro unbaksa skultangna tangka rangko man•an baksana Fit India Quiz Champion ine bimung segatako man•anggen. A•dok o Quiz Champion-ni final round ko February aro March jani gisepgriko ong•atangaha. Ia State Level quiz competition Preliminary Round o ge 359 skulni chadamberang susagrikangaha indiba Kendriya Vidyalaya Tura Skulni chadamberang chegipa ong•e gong 2.75 lakh ko man•angaha (25k + 2.50 lakh Quiz-o bak ko ra•anggiparangna aro skulna).
State Round Grand Finals, Meghalaya Edition o ge 4 Skulni chadamberang bak ko ra•engon Dol 1, Dol 2 aro Dol3-ni Point-rang apsangrikani a•selo Tie Breaker Round-ko ong•ataiaha. Ia round-o gipin school-rangna bate Kendra Vidyalaya Tura nambate aganchakanichi Point 1 ko man•dape amgopskaha. Ge 4 Finalist oni gipin Schoolrangni bimungara Team 1-ni Kendra Vidyalaya, NEHU Shillong gnigipa (2nd) ong•e tangka 10,000 + 1 Lakh ko man•angaha, Team 3-ni Army Public School Shillong gittamgipa (3rd) ong•e tangka 5000+ 50,000-ko man•angskaha aro Team 2-ni Star Public School Jowai 4-gipa ong•skaha.
National Finals, Life Fitness Round-ko Star Sports aro Hot Star channel-o mesokanggen ine Quiz-ko chalaigipa Randeep Singh bon•chote ui•atangaha.