Ranikor, April 4, 2022: South West Khasi Hills a•jani Pulis aro BSF dolgni melie Operation ko ong•atmiting somoio pekgipa bostu ba Yaba tablet ko rong 1790 man•aha ine koborna u•iataha.
Koborrangko man•soani gitade, South West Khasi Hills a•jani Bholabita songoni bilsi 45 onggipa Jasmine Sangma aro bilsi 40 onggipa Ritima Sangma ko pulis aro BSF yaba baksa rim•aha. Pulis dolni sing•sandianirangko dakon uamangni aganchakani gitade, u•ina man•gijagipa mande saksa uamangna tangka on•a ku•chakgenba pekgipa bostu ba Yaba tablet ko Bangladesh a•song ona sima ari o kachanggipa fencing gita gowatatchina ge•eta ine aganaha.
” Chinga uamang sakgnini 193 bn BSF ni ning•o donggipa BOP Koraigora ona kenna gnang re•baaniko nikenba uamango maibade donga ine potchipe sing•sandianiko dakon pekgipa bosturangko man•aha” ine BSF aganaha.
Uamang sakgniko Gumaghat Pulis Station ona rimbaaha aro sing•sandiani rangkoba a•bachengataha ine u•iataha.