Baghmara. 26 April 2022: Baghmara Reserve Forest o da•o changsatai A•chik a•songni gam gimataiaha. MECL-ni Forest Depatment baksa nangrime kam ka•jani a•selo ia obosta ong•aniko nikna gita man•taiaha. Indake changni changna mongmako bijoli nange sianira MECL aro Forest Depatmentko dos galna gita man•a. Maina skanggipa case ba obosta ong•ako poraie aro sing•sandianiko dake nion bang•a sontolgipa matburing rangni siani ja•pangko mikkang changona naljokate tarisamsoanirangkoba dakna gita man•achim, indiomangba MECL aro Forest Department-o kam ka•enggipa manderang South Garo Hills ni buringo tangenggipa A•chik A•songni janggi gnanggipa gamkon namrenge donako nikna gita man•ronga. Ia departmentrang rakkale kam ka•genchimode, mongmasan ong•aigija gipin jonturangni janggi tangani bewal rangkoba nambate ripingna man•kugen ine koborna parakataha.
Songni manderangni kobor on•atako man•soa bikan Forest Department-o kam ka•giparang ua bi•apona re•ange nirokaniko dakangaha.
Garo Hillsni a•jao buring dikbatgipa aro bang•a matburingrangni dongchakram South Garo Hills an ong•a. World Heritage Site o segataniko man•a bang•a namdapatani kamrangko ka•na gita nangkuenga. Indiani buringrangko nirokgipa mongsonggipa ma•mong department Garo Hillsni bi•ap dam 7-ko GHCA-Garo Hills Conservation Area ine bimung donaha. Ia buringrangko World Heritage Site o segatako man•a chusokatna gita bi•aptangni Forest Department aro songni manderangni niroka-o aro ripinga-o pangchaka ine independent wildlife and Sanctuary enthusiast Dol Kosi Songadna ui•ataha. Ia dam 7 ni bimungrangara:
- Nokrek National Park
- Balpakram National Park
- Reserved Forest of Tura Peak
- Siju Wild Life Sanctuary
- Reserved Forest of Emangre
- Reserved Forest of Rewak aro
- Reserved forest of Baghmara ong•a
Ia ge 7 buringrangko chu•onga gita nirok simsakaniko dakjagenchim ong•ode, World Heritage Site title ba Reserve Forestni bimungrangko ra•galnagita man•a ine World Heritage Site-ni qualifying niam ritingo seaniko nikna gita man•aha.