Baghmara, April 26, 2022: A•chik Youth Welfare Organisation (AYWO) Baghmara Zone, Monggolbar salo South Garo Hills a•jani Deputy Commisioner-ko grongenba, Ampanggre songo rikenggipa FCI Godown-ko rika matchotgija galchipe donengani bidingo janape memorandum-ko on•eaha. AYWO Baghmara Zone-ni memorandum-o janapatani gitade, South Garo Hills a•jani Ampanggre songo ru•uta bilsirangna skangan FCI Godown-ko rikengahachim, indiba simsakjani a•sel ia Godown-ko da•alona kingkingba matchotkuja.
Indake dakaigenchimode, ia Godown-ko matchote rikna aro kamko a•bachengatpilna ru•uta bilsirangko nangdapkugen ine u•iataha.
Uni gimin ia FCI-ko rikani bidingo nirok sandina nanga aro ta•raken kamko matchotatna ja•ku de•angchina AYWO, DC-ko mol•molangaha