Ja•ripbonchi Adventure Tours tom•e chanchirima

0

Tura, May 1, 2022: Garo Hills-o Tourism Industry-ko bilakatna aro rakbate kamrangko ka•angna Ja•ripbonchi Adventure Tours (JAT), May 1 tarik Robibar salo Tura Hotel Rikman Continental (HRC) conference hall-o tom•e chanchirimaniko dakangaha.Ia tom•aniko Ja•ripbonchi Adventure Tours-ni Director Te Digros D.Shira padot ong•e tom•aniko dilangaha.

Digros Shira-ni parakatani gitade, A•chik A•songni niksengipa aro rona rotogipa tourist (spot) ba biaprangko nina bang•a dingtang dingtang a•dok ba (state)-rangoni salantian Garo Hills-ona re•bagiparang batroroengani gimin Ja•ripbonchi mikkangchi Tourism Industry-ko apbalbate aro nambate kamrangko ka•angna miksongangaha.

Jedakode A•chik a•songni manderang Tourism Industry-o kam ka•e janggi tangna cholko man•pagen ia miksonganio JAT tom•e chanchiangaha. Ia tom•anio Garo Hills-ni dingtang dingtang Tourism Industry-o kam ka•giparang bakko ra•angaha, jekai Tourist Agency, Tour Operator, Travel Agency aro Hotel Rikman Continental-ni nokgipa Pa Ronald Rikman Sangma-ba bakko ra•angpaha.

Leave A Reply

Your email address will not be published.