Ampati, May 26, 2022: Garo Students’ Union (GSU) Western Zone (South) Ampati, South West Garo Hills a•jani Deputy Commissioner-na lekka sedoatenba Sindilgre LP Skulo ta•rake skigipako rakkie on•china dabiangaha.
GSU WZ, Ampati-ni President Salman D.Sangma-ni janapatani gitade, Sindilgre LP Skulo batanggimin bilsi 3 mangna Skigipa dongjani a•sel skulko chipe donna nangaha aro iani a•selo bang•a poraienggipa bi•sarang neng•nikanirangko man•enga. Ia skulni skigipa gipin skulona kam ra•jitangako man•ne ia skulo skigipa gri bangbang ong•aha.
Uni gimin, obosta rangko nigrike chu•onga gita bida gnanggipa mandeko Sindilgre L.P. Skulo skigipani kamo rakkiangchina GSU mol•molangaha.