Williamnagar, May 26, 2022: Garo Students’ Union (GSU), Eastern Zone Williamnagar, sima ari jolo songdongenggipa manderangni a•kanggimin a•arangona Assam pulisrang napdrae songni manderangko ka•mikkenatani gimin raken jegalaataha.
India Constitution-ni ning•o see rakkigimin Sixth Schedule-o Right to Land and Property gnang. Assam pulisrang maming saloba Sixth Schedule-ni niamo a•kanggimin a•arangona napdrae manderangko ka•mikennate roani bil dongja ine janapataha.
“Adita salrangna skang, chongmotan May 23 tariko Mallang Salbari songona Assam pulisrang napdrae kam ka•enggipa manderangko dokna satna am•e kam dontongataha.
Unbaksana, Mallang Garoganj songo me•chikma sakgittam aro me•asa sakdok manderangko doke satte donangaha. Ua songni manderangna Meghalaya sorkari naljokaniko on•na gita Meghalaya a•dokni sipai dolrangko watatna nangchongmota aro dos dakgipa pulisrangko niamo pangchake kragipa sastiko on•na nangchongmota” ine GSU Eastern Zone-ni President Salrang Tengrik R. Marak janapataha.