Shillong, April 12, 2023: Meghalaya a•dokni Skotong Minister Pa Conrad K. Sangma Bihar a•doko ma•sina man•gijagipa manderang Meghalaya-ni Presbyterian Mondolini Pamongrangko ka•saninggija chadrapaniko raken jegalataha.
Skotong Minister, Meghalaya a•dokni Pulisrang aro Bihar-ni Pulisrang baksa bakrime duko ga•akenggipa Mondolini pamongrangko dalchakchina aro jemangan statement-rangko on•engachim, ua ma•sina man•gijagipa manderangni kosako badi ka•china ge•etaha.
Indake ong•engon, Meghalaya a•dokni DGP LR Bishnoi, Patna-ni pulisna u•iatenba, Meghalaya-ni Pamongrangko doke sate, rojachina mol•moolataha. Una agreba Patna pulis dos dakgiparangko badi ka•na gita Meghalaya-ni pulisko sing•ataha. Unbaksana Meghalaya Pulis, Mondolini Pamongrangko songrea matchotkuja dipetna chel•chakaniko on•china Patna Pulisna agandapataha.