GSMC-ni dal•gipa tom•bimonganio chu•sokgipa ong•china bi•chakaniko nangnikenga
Tura, Oct 1, 2022: Re•baenggipa October 29 tariko Garoland State-na dabie Tura songjinmani Te•teng a•ja play-ground-o dal•begipa tom•bimonganiko ong•atenga ine koborna u•iataha.
Uni gimin pilak Kristo Ka•rimska Mondolini dilgiparang aro Garo Hills-o songdongenggipa manderang sakantikon bi•chakpanchina mol•molataha.
GSMC-HQ, Tura-ni Additional General Secretary Bostone M.Sangma-ni mol•molatani gitade, October 28 tariko gipin a•dokrangoni re•baenggipa dilgiparangko tom•tome Tura-ona dilbachina. Jedakode, October 29 tariko Public Rally-ko ong•atanio chu•sokatna man•gen.
Indake ong•engon, A•chik songni Nokmarang, Sordar-rang, songni manderang, citizen-rang, Mondolini manderang, NGO-ni dilgiparang, Garoland State, GSMC-ni dilgiparang aro gipin department-rangna bi•chaniko nangnikenga ine Bostone M.Sangma u•iataha.
Uni gimin sakantian bi•anio gisik ra•pachina GSMC-HQ,Tura mol•molataha.