Tura, October 1, 2022: All Garo Hills SSA School Teachers’ Association (AGHSSASTA-CB) a•songni Prime Minister Narendra Modi-na West Garo Hills a•jani Deputy Commissioner, Swapnil Tembe-ni jak gita lekka sedoatenba uamangna June jaoni September jaona dormaharangko on•china aro bilsi 2016-17-ni PAB arrear-rangko on•china mol•molangaha.
AGHSSASTA-CB-ni President LG Momin-ni u•iatani gitade, Meghalaya a•dokni Samagra Shiksha Abhiyan (SSA) skulo skigiparang June jaoni September jaona uamangni man•na nanggipa dormaharangko man•kujaenga aro 2016-17 bilsini jachetni arrear-rangko man•kujaenga.
A•dok sorkari, “chingni man•na nanggipa tangkarangko chu•gimik on•na kurachakahachim, indiba da•onan on•kuja” ine AGHSSASTA-CB-ni Publicity Secretary Bunbunbirth R.Marak parakataha.
“Chinga SSA skulo skigiparang ia obostani bidingo changni chang a•dokni Skotong Minister Conrad Sangma, Education Minister Lakhmen Rymbui-ko gronge chingni nanganirangko see memorandum on•aha. Ma•mong Sorkari chingni man•na nanggipa tangkarangko chingna on•china fund-rangko a•dok sorkariona watataha aro State Education Mission Authority Of India (SEMAM)-ba chingni dormaharangko on•china chu•gimik lekkarangko tariataha. Indiba a•dok sorkari chingna sokatgipa fund-rangko jasa batangpiloba Education Department-na watatkujaenga” ine AGHSSASTA-CB parakataha.
Uni gimin chingni man•na nanggipa dormaharangko somoi gita chingna on•na nanga ineba dabiangaha.