Garo Hills-ni chadamberang boxing rankingna kal•susae bronze medalrangko man•a  

Williamnagar, Oct 1, 2022: Re•anggipa September 27-oni 30 tarikona Upper Shillong-ni Umlyngkah football ground Upper Shillong-o ong•atanggipa boxing rankingna kal•susaanio East Garo Hills a•jani sak 3 chadamberang bakko ra•e, bronze medalrangko man•baha.

Ia boxing rankingo bakko ra•gipa sak 3 chadamberanga Benedick G.Momin kg 51 category-o kal•susae quarter finalo sirikaha. Batsilbirth T.Sangma kg 54 category-o kal•susae semi final-ona sokange bronze medal-ko man•aha. Sundayson Ch.Sangma semi final-o sirike bronze medal-ko man•baha ine koborna u•iataha.

Apsandake re•anggipa September 12-oni 15-ona South Sikim-o ong•atanggipa boxing championship-o Batsilbirth T.Sangma bakko ra•e bronze medal-ko man•baha ine Noyon Momin boxer coach u•iataha.